Vandag dra ek my sussie se trui. Dit is haar verjaarsdag en ek mis haar. Ek mis die potte sop en haar oop voordeur op 19 Junie elke jaar. Ek mis die boeke omruil en die middagetes. Ek mis vakansies saam. Maar sy mis beslis nie die stryd van haar laaste jare op aarde nie, sy mis nie die koue nie, ook nie die verlang na almal wat haar vooruitgegaan het nie. Sy vier 87 vandag op ‘n beter plek, maar jare maak seker nie meer saak nie.