My eerste Bybel is die titel van ’n nuwe boek op die rakke, geskryf deur Wendy Maartens en lieflike geïllustreer deur Honor Ayres. Daar is vyftien Ou Testamentiese stories, onder andere gunstelinge soos Dawid en die reus Goliat, en Daniël en die leeus. Agt en twintig verhalBybele neem die leser deur die Nuwe Testament, van Jesus se geboorte, tot by die hemelvaart en die koms van die Heilige Gees.

Elke storie, wat ideaal is vir voorlees, is nét lank genoeg om die aandag van ’n redelike jong kleuter enduit te hou. Die teksvers kan uit die Bybel voorgelees word, en die storie sluit telkens af met’n relevante gebed.

Daar is heelwat terme wat gesprek kan uitlok, soos Samaritaan, regter, boelies. Daar is ook lesse soos gehoorsaamheid, geloof en dapperheid wat aangeraak kan word aan die hand van die stories.

Met ‘n duursame hardeband en stewige semi-glans bladsye, behoort dit redelik kinderbestand te wees. Ek skat die ouers gaan die illustrasies net soveel geniet as die kinders.

Advertisements