Allerlei diertjies word opgeroep na ’n potjiepartytjie in Sally Lloyd-Jones se rymverhaal, Op die potjie, gou! Die Afrikaanse vertaling is gedoen deur Elsa Silke, en die pragtige fyn illustrasies deur Anita Jeram. Die boek is uitgegee deur Human & Rosseau, ‘n druknaam 9780798178204---potjievan NB Uitgewers.

Die teks is in rymformaat en baie eenvoudig, maar mens moet in gedagte hou dat die mensies vir wie dit voorgelees gaan word, nog maar baie jonk is. Ek dink die sukses van die storie gaan lê in die vermoë van die voorleser om onbevange die rym voor te dra en die kind se aandag te hou.

En dan die verrassing op die laaste bladsy: ’n spieël waarin die kind homself kan sien. Ek was beïndruk met die kwaliteit; nie die stukkie foelie wat mens dikwels in ’n goedkoper produk sien nie. Hierdie spieël is na aan die ware Jakob, en behoort die kind se aandag te trek en die boodskap oor te dra dat hy ook na die potjiepartytjie genooi is.

Beslis ’n oulike belegging as jou kind die potjie-opleiding-regime nader.

Advertisements