Nog ietsie oor Petru-Nell se 2012 skryfskool op Dwarskersbos  …

Bo en behalwe die betrokke daaglikse koevert met storievonke, waarvan ek al vroeër vertel het, het Trudy ook elke dag ’n ekstra opdrag gegee. Een daarvan was om ’n spookstorie te skryf.

Tydens die volgende dag se besprekingsessie, het daar ’n paar interessante spoke te voorskyn gekom, maar dit was bepaald Elsabé wat die kroon gedra het! Toe haar Weskushumor en haar rooi gedaante mekaar ontmoet, was dit ’n spook van ’n ander kleur!

Vandag het ek die Vrouekeur van 3 Mei gaan koop, en daar pryk sy: Die Rooi gedaante van Dwarskersbos!Image

Ek het my huis toe gehaas, en so onder die kou van my broodjie deur, opnuut haar storie geniet. Daar is een betrokke reël in die verhaal, wat my telkens laat skaterlag. Ek sal graag wil hoor of daar ander is wat dieselfde sin raaklees as wat vir my so komies is. Kom gerus met die kommentare – dit sal interessant wees.

Geluk weereens aan Elsabé met haar eerste gepubliseerde kortverhaal.