Dis hartjie-van-die-winter-koud op Dwarskersbos, maar in die Jubel en Juig gastehuis stoom dit van kreatiwiteit. Trudy Erasmus, van Petru-Nell Skryfbesigheid, bied ’n kortverhaalkursus aan vir ses dames. Van oral oor het ons saamgekom en rondom ons skootrekenaars vriende geword.Dwarskersbos Skryfskool Julie 2012 031

Soggens is daar teorie aangebied; kommas, punte, aanhalingstekens, skepping van karakters, dialoog, vertellerperspektief, toneelinkleding … Na middagete was dit tyd om mekaar se werk te bespreek. Mening lug oor ander se skryfwerk was aanvanklik baie ongemaklik, maar algaande het ons vrymoedigheid toegeneem.

Dan die harde werk: kamer toe om twee kortverhale te skryf voordat die son môre opkom! Ek het myself menige nagte oorgegee aan sjokolade en selfbejammering, ’n paar maal kort duskant volslae paniek gedraai as ’n storie aan die verkeerde kant van middernag nog steeds nie wil vlot nie.                                                                                                                                    Aan die einde van die week het elkeen tien kortverhale gehad om te gaan poets by die huis. En ’nDwarskersbos Skryfskool Julie 2012 005 handvol nuwe vriendinne en kosbare herinneringe.